Навални: Сите кои мислат дека Путин ќе си замине во 2024 година се идиоти
Алексеј Навални е еден од најпознатите руски опозиционери кој во неколку наврати ги предводеше антивладините протести, а поради неколку пати беше и апсен.
Одлуката на премиерот на Русија, Дмитриј Медведев, да ја распушти владата го шокираше светот, а многу се прашуваат која е познатината на оваа објава, која следуваше само неколку часа откако претседателот Владимир Путин предложи уставни промени според кои владата и парламентот на земјата ќе имаат поголеми овластувања.
За ова стигнуваат реакции од целиот свет, а се огласи и еден од најголемите ривали на Путин, Алексеј Навални.
– Главната порака на обраќањето на Путин: сите оние кои мислат дека тој во 2024 година ќе замине од власт се идиоти (и/или измамници). Тој ќе остане лидер целиот свој живот, го преземе сопствеништвото над целата држава и ќе го присвои богатството за себе и за своите пријатели, што е единствена цел на Путин и неговиот режим – напиша Навални.
Навални е еден од најпознатите руски опозиционери кој во неколку наврати ги предводеше антивладините протести, а поради тоа беше апсен повеќе пати.
Дмитриј Медведев соопшти дека ја распушта Владата на Русија, по обраќањето на претседателот Владимир Путин пред нацијата. Соопштението многумина го дочекаа неподготвени, а многу аналитичари тврдат дека станува збор за добро испланирана тактика.
Имено, Владимир Путин пред неколку часа во говорот пред нацијата предложи уставни промени кои би придонеле зголемени овластувања на владата и парламентот. Тој предложи со Уставот на ѝ се овозможи на Државната дума да ја одобрува кандидатурата на премиерот на државата.
Критичарите на Путин и претходно зборуваа за тоа дека претседателот размислува за различни сценарија за да остане на власт и по 2024 година, кога му истекува и вториот претседателски мандат. Една од опциите е да стане премиер со проширени овластувања.