Рускиот опозициски лидер Алексеј Навални, кој издржува затворска казна, го исмеја рускиот претседател Владимир Путин дека го обвинил за свесно кршење на законот кога минатата година беше однесен од Русија додека беше во кома.

Навални беше пренесен во Германија во август откако бил отруен со, како што подоцна германските лекари велат, со воен нервен агенс. Во тоа време тој бил во бесознание и во кома.

Путин вчера на брифинг со новинарите по средбата со американскиот претседател Џо Бајден изјави дека Навални свесно ги прекршил условите за условно пуштање во врска со условната затворска казна кога заминал за Германија.

“Тој мораше да се пријави кај властите како некој кој двапати беше осуден на условна казна. Целосно свесен за тоа што го прави, и сакам да го истакнам тоа, и игнорирајќи ги законските услови, тој господин замина на лекување во странство”, им изјави Путин на новинарите по средбата со американскиот претседател Џо Бајден, објави Ројтерс.

Путин исто така рече дека Навални ги прекршил условите за условно отпуштање откако бил пуштен од болницата во Германија и знаел дека ќе биде уапсен при враќањето во Русија, но „намерно решил да биде уапсен“.

Навални, кој отслужува две и пол години поради кршење на условната казна, објави на Инстаграм преку неговите адвокати за да каже дека неговата медицинска евакуација била санкционирана од самиот Путин на барање на германската влада.

Тој се потсмеваше на идејата дека „свесно“ заминал во странство, во објавата што вклучува фотографија на која се гледа како го внесуваат на носилка во авионот.

„Путин се поти и добива страшни главоболки ако не излажа некого на следниов начин:„ Приходите на луѓето во Русија растат, нема да има задолжителна вакцинација во Русија и Навални свесно отиде во странство “, објави тој во текстот на Инстаграм.

На прашањето во врска со изјавата на Путин во врска со ова прашање, Кремљ соопшти дека не е во ред да се толкуваат точните зборови на Путин и дека тој не се осврнувал на хронолошкиот редослед на настаните.

„Тој (Путин) мислеше дека, генерално, законските барања подоцна беа прекршени“, рече портпаролот на Путин, Дмитриј Песков.

Навални вели дека обвиненијата против него биле измислени за да го спречат неговото спротивставуваање на Кремљ, нешто што го негираат. Тој исто така го обвини Путин дека нарачал труење, тврдење што Кремљ исто така го отфрла.