Доколку користите филтер за своите фотографии може да се простите од „лајкови“ на Инстаграм.

Меѓутоа, селфи направено на работа или селфи кое покажува со какво хоби се занимавате, ќе ви донесе нови следбеници и „лајкови“ – тврдат научниците.

Научниците од Универзитетот во Њу Џерси ја истражија врската помеѓу начинот на кој е направено селфито и бројот на лајкови и откриле дека фотографиите со филтер ги одбива луѓето. Тие анализирале околу 2000 селфи-фотки објавени на Инстаграм и откриле дека постои врска помеѓу начинот на кој се сликате и корисникот на оваа мрежа.

Како што велат, најголем успех имаат веродостојните селфи, без многу филтер на нив, како и тие кои покажуваат со која професија се занимавате, вашиот статус во врска, хоби или социјален статус.

– Еден од заклучоците до кои дојдовме е дека ако со селфи дадете и дополнителни информации за себе, како што е економскиот статус или она со кое што се занимавате, луѓето покажуваат намера да се вратат на вашиот профил и повторно да „лајкуваат“ фотографии – изјавил еден од научниците.