Научниците откриваат зошто постарите лица се позагрозени од корнавирусот

Profimedia

Од почетокот на пандемијата на коронавирусот, лекарите предупредуваат дека постарите се најзагрозената група, а сега експертите објаснуваат и зошто е тоа така.

Досегашните податоци покажуваат дека поради Ковид-19 умираат околу 13,5 проценти од пациентите постари од 80 години. Наспрема тоа, смртноста кај популацијата во 50-тите години е 1,25, додека кај оние во 40-тите години процентот е 0,3.

Стапката на процентот на смртност нагло расте по 70-тата година, велат најновите проценки објавени во Lancet Infectious Diseases.

Меѓутоа, зошто постарите лица се толку загрозени? Освен главнат причина, дека постарите луѓе главно имаат некоја хронична болест, науката смета дека постои уште една причина.

Таа втора причина ја нарекле „самрак на имунитетот“.

„Не е само бројот на годините тој кој одредува како телото ќе одговори на болеста“, предупредува геронтологот Џорџ Кучел од Универзитетот во Конектикат, додавајќи дека многу посериозен фактор е и бројот на хроничните болести од кои пациентот страда.

Осумдесетгодишник кој има здрава општа состојба, веројатно е многу поотпорен од шеесетгодишник кој има неколку хронични болести. Зошто? Затоа што тој осумдесетгодишник има помлад имун систем“, објаснува Џорџ Кучел.

И можноста дека пациентот ќе мора да биде хоспитализиран расте со текот на годините. Според досегашните бројки, околу 18,4 пациенти постари од 80 години морале да бидат во болница. Кај луѓето во шеесеттите години, процентот изнесува 12 отсто, додека околу 3,4 отсто триесетгодишници мора да бидат во болница.

Британските научници сметаат дека возраста е во голема мера причина за катастрофата што ја снајде Италија. Просечната старост во Италија е 47 години и Италијаните се вбројуваат меѓу најстарите народи во Европа. Околу 23 проценти од населението им е постаро од 65 години.

„Органзизмот на постарите луѓе не реагира на микроорганизмите како што реагирал кога бил помлад. Тоа е „самрак на имунитетот“, објаснува имунобиологот Јанко Николиќ Жугиќ од Универзитетот во Аризона.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот