Иако се уште нема официјална одлука од УЕФА, повеќе од извесно е дека натпреварот од полуфиналето во Лигата на нациите помеѓу Македонија и Косово, ќе се одигра пред празни трибини.

Според календарот на УЕФА полуфиналниот бараж дуел, кој може Македонија да ја однесе и на Европското првенство, доколку прво го совлада Косово, а потоа и во финалето биде подобра од победникот од дуелот меѓу Белорусија и Грузија, ќе се игра на 8. октомври на Националната Арена „Тодор Проески“.

Според „Лекип“, УЕФА размислува за вакво сценарио и се очекува во најскоро време и официјално да ја потврди оваа одлука.
Исто така УЕФА донесе одлука поради пандемијата на коронавирусот, репрезентативните активности во септември и октомври во кои Македонија ќе игра во новото издание на Лигата на Нации како и бараж полуфиналниот дуел со Косово, ќе се одиграат исто така пред празни трибини.

Македонија на стартот во Лигата Ц од новото издание на Лигата на Нации ќе игра против Ерменија на 5. септември.

УЕФА претходно одлучи сите натпревари во квалификациите во европските натпреварувања како и завршницата од оваа сезона да се играат без присустно на гледачи.