Наташа Беквалац повторно со хит изјава: „Ако не сакате сопругот да ве изневери – немате сопруг“
Веќе одамна на социјалните мрежи кружи трендот „Која изјава од Наташа Беквалац сте вие?“
Српската пејачка Наташа Беквалац честопати знае да се шегува на сметка на своите љубови со несреќен крај и трите неуспешни брака зад себе.
Веројатно овој пат имала посебна инспирација, нејзината најнова изјава стана вистински хит.
Пејачката објави нејзина фотографија на која носи венчаница, посакувајќи им добро утро на своите следбеници со една интересна изјава.
„Ако не сакате сопругот да ве изневери – немате сопруг. Добро утро“, напиша Беквалац.
Нејзината изјава ги насмеа нејзините следбеници и за многу кратко време почна да се споделува и коментира на социјалните мрежи.
Инаку, Беквалац е позната по ваквите изјави кои никогаш не поминуваат незабележани.
Наташа Беквалац беше во брак со бившиот ватерполист Данило Икодиновиќ, Љубомир Јовановиќ и Лука Лазукиќ со кој е во процес на судење поради семејно насилство. Од претходните бракови таа има две ќерки, Хана и Катја.