Фото: Општина Ѓорче Петров

Наставници од ОУ „Мирче Ацев“ се обучуваа да превенираат насилно однесување на учениците

Денеска во просториите на основното училиште „Мирче Ацев“ во Општина Ѓорче Петров се одржа обука на тема – Превенирање на насилното однесување меѓу учениците во основните училишта. Обуката беше ја спроведе Институтот за европски образовни, социо-културни и економски политики „Европа за тебе“ , а учесници беа сите наставници од училиштето. Целта на обуката беше стекнување нови знаења и вештини во справувањето со насилството и насилното однесување меѓу учениците.

Учесниците имаа можност да се запознаат со нови методи на превенција и стратегии за постапување во случаи на насилство, како и да ги применат во нивната наставна пракса. По завршувањето на обуката, истите ќе се стекнат со сертификат за учество. Со оваа обука, Општина Ѓорче Петров продолжува со својата посветеност на справување со насилството во училиштата, вложувајќи во образованието и безбедноста на нашите деца. Како дел од пошироката стратегија за создавање безбедна и позитивна средина, ја истакнуваме важноста на едукацијата како клучен фактор во превенцијата на насилството – велат од Општината.

Оттаму додаваат дека оваа инвестиција во иднината на учениците ќе донесе позитивни резултати за целата заедница, за заедно да се изгради општество на разум, почит и безбедност за сите.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот