Наставнички од Аеродром прогласени за најдобри во регионот

Градоначалникот Златко Марин денеска им додели признаници на двете одделенски наставнички Анета Велкоска и Жаклина Ристовска од основното училиште „Браќа Миладиновци“, кои се добитнички на титулата најдобар наставник во земјите од поранешна Југославија.

Ова признание го добија на регионалната конференција „Светот на образованието ги брише границите“ што неодамна се одржа во Будва, Црна Гора, за афирмација на наставничката професија преку серија активности.

Анета Велковска, исто така, беше прогласена за Просветен работник на годината на Град Скопје за учебната 2018/19 година од страна на Здружението на просветни работници на Град Скопје, а Жаклина Ристовска за Просветен работник на годината во 2015 година на државно ниво, која се стекна и со Сертификат за постер-презентација на тема “Алгоритамско размислување – базична вештина на 21 век” .

Асоцијацијата на најдобрите наставници на бивша Југославија има цел да ги вмрежи наставниците од различните земји и да им овозможи размена на нивните искуства и практики.

Исто така, признаници од градоначалникот Марин добија и основните училишта „Љубен Лапе“, „Браќа Миладиновци“ и „Гоце Делчев“ за посебен придонес во спортот. Од името на наставниците по физичко воспитување, признаниците ги примија директорите на училиштата.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот