Насмеаната жаба и морскиот црв именуван по Дејвид Атенборо се меѓу 750-те животни, растенија и други организми кои се новорегистрирани на австралиската листа на видови.

Минатата година на листата беа додадени жабата Litoria ridibunda, која се смее, а не крека, црвот Marphysa davidattenboroughi и торбарот Planigale tealei налик на глушец Пилбара.

Друг вид со познат имењак кој е нов на списокот е пајакот со кружна мрежа Venomius tomhardyi – именуван по ликот на „Марвел“ кој го игра Том Харди, пишува „Гардијан“.

Laughing frog and David Attenborough worm among 750 new species recognised in Australia https://t.co/yH4O51bWw6

— Guardian Australia (@GuardianAus) September 8, 2024

Списокот е таксономска база на податоци која официјално ги опишува растенијата, животните, габите и другите организми кои потекнуваат од Австралија.

Таксономијата е наука за опишување, именување и регистрирање на животот на Земјата. Таксономите бараат разлики во физичкиот изглед, генетиката, однесувањето и локацијата за да утврдат видови кои се нови за модерната наука.

„Луѓето можеби ќе бидат изненадени кога ќе слушнат дека 70 отсто од домородните австралиски видови не се именувани и познати на науката“, вели министерката за животна средина Тања Плибершек.

„Австралија е глобален центар на биолошка разновидност со повеќе од 150.000 свои видови, а приближно два нови вида се именуваат секој ден“.

Иако многу видови можеби се непознати за западната наука, тие веројатно им се познати на домородните народи илјадници години и се од суштинско значење за нивната култура. Комбинацијата на домородните еколошки и културни знаења со методите за истражување на природата и генетските пристапи кои брзо се развиваат ќе придонесат за разбирање на извонредната биолошка разновидност на Австралија.

Многу од новоопишаните видови се безрбетници и тие го сочинуваат огромното мнозинство австралиски животни. Исто така, повеќето видови без’рбетници допрва треба да бидат официјално опишани.

Плиберсек вели дека 14 проекти ќе поделат финансии од 2 милиони американски долари за именување и класификација на австралиските видови оваа и следната година.

Меѓу проектите е дополнително проучување на жабата што се смее. Со помош на апликацијата FrogID ќе се споредуваат разликите кај мажјаците, а ДНК од музејските примероци ќе се користи за идентификување и опишување на нови видови жаби.

Други проекти вклучуваат официјално опишување на најмалку 120 видови од шестиот по големина растителен род во Австралија – Lepidosperma; анализа на фамилија на пајаци со кружна мрежа за да се идентификуваат 50 нови видови; и проценка на биолошката разновидност на ракови во длабоките морски паркови во Западна Австралија.