Наследникот на Зидан е се поизвесен, Алегри веќе одржал средби со челниците на Реал

Зинедин Зидан им открил на фудбалерите дека по завршување на сезоната си заминува од Реал Мадрид, а управата на клубот веќе тргна по неговиот наследник.
Како што пренесува добро информираниот италијански новинар Фабрицио Романо, поранешниот тренер на Јувентус и на Милан, Масимилијано Алегри веќе имал состанок со челниците на „кралскиот клуб“ оваа недела.

Massimiliano Allegri had a meeting with Real Madrid this week. 🚨

– He’s in ‘direct contact’ with Real since March.

– He’ll accept the job in case Real will decide to sign him [Raúl is in the list too].

– Italian clubs want him but Allegri priority is Real and he’s waiting.

— Fabrizio Romano (@FabrizioRomano) May 16, 2021

Тој е во постојан контакт со управата на Реал Мадрид уште од март годинава, и иако за него сериозен интерес има од неколку италијански екипи меѓу кои е и поранешниот негов клуб Јувентус, на тренерот приоритет му е „кралскиот клуб“.

Алегри наводно е подготвен да ја прифати понудата од управата на Реал Мадрид и се очекува по завршување на сезоната експресно да се најде договор и Италијанецот од следната сезона да седне на клупата на шпанскиот тим.
Покрај Алегри, на краткиот список за наследници на Зидан се наоѓаат уште и клупската легенда Раул Гонзалес и германскиот селектор Јоаким Лев.