Наследник на Омикрон: Нова мутација на коронавирус откриена во Франција – „увезена“ од Камерун
Нов сој коронавирус кој се појави во јужна Франција ги загрижи научниците.
Откритието дојде откако 12 пациенти во истиот регион биле позитивни, а нивните тестови покажале „нетипична комбинација“, пишува Експрес.
Експертите се сомневаат дека случајот можеби дошол од Камерун, бидејќи првото заразено лице пристигнало од патување од таа земја.
Експертите рекоа дека идентификувале „46 мутации“ во оваа варијанта која го добила името Б.1.640.2.
Неговото присуство први го открија експерти на „IHU Mediterranee Infection“ во Марсеј.
Претходно овој месец, тие на својот Твитер објавија дека откриле нова варијанта кај пациенти со ковид од Форкалкје, во регионот Горна Прованса.
Она што ја прави варијантата поопасна е нејзината способност да се репродуцира поради бројот на мутации што ги има во однос на оригиналниот вирус. Останува да видиме во која категорија ќе спаѓа оваа нова варијанта.
Франција објави 219.126 нови инфекции во саботата и стана шестата земја во светот што надмина вкупно 10 милиони регистрирани случаи на Ковид.