Наскоро претстава „Семејни приказни“ во прилепскиот театар

Ансамблот на прилепскиот театар „Војдан Чернодрински” ги почна подготовките за претставата „Семејни приказни” во режија на Милош Б. Андоновски. Сценографијата е на Наташа Вчкова, костимите се на Марта Дуфне Јосифовска, а во претставата играат: Јасмина Мицовска Станкоска, Илија Волчески, Катерина Чакмакоска Клинческа и Димитар Црцороски.

Во текстот на српската драмска авторка Биљана Србљановиќ станува збор за игра на четири деца во која постепено се откриваат лични семејни приказни, односот на родителите, семејното насилство, политичките метастази, како и целиот општествен контекст, воопшто.

Претставата „Семејни приказни” е прв професионален ангажман на режисерот Андоновски во прилепскиот театар. На прилепската публика, тој прв пат, ѝ се има претставено со својата дипломска претстава „Поблиску” според текстот на Патрик Марбер, во 2015 година, во „Офф програмата” на МТФ „Војдан Чернодрински”.

Подготовките за претставата „Семејни приказни” ќе се интензивираат по Велигденските празници, а премиерата се планира во месец јуни.

Ова е втора претстава од годинашнава програма на која работи прилепскиот театар. Се подготвува и претставата „Арапска ноќ” во режија на Зоја Бузалковска, а премиерата е во мај.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот