Мише ни се роди дома, кога сосема неочекувано во двор ни се појави трудна мачка, точно еден ден откако видовме сиво маче на Инстаграм и си рековме „Е, вакво!“ Дојде како нарачан, како подароче и обожаван е како идеја, уште пред да се роди. Ужива на меки ќебиња и чисти алишта, слабост му е чешлање со гумена ракавица и мирис на средства за чистење, умешно манипулира дека е вечно гладен, ама сепак е многу умен мачор и совршена придружба за пишување и читање книги. За роденден му се прави торта, од секое патување му се носат подароци и кога спие внимаваме да му е удобно. Само тогаш дава да се „гњави“. Мјаукањето му звучи како блуз.