НАСА најави две нови мисии, ќе ја посетува Венера
Националната вселенска агенција – НАСА најави две нови мисии до Венера, „DaVinci+“ и „Veritas“ чија цел е проучивање на сестринската планета која не сме ја посетиле 30 години.
„DaVinci+“ ќе ја проучува нејзината атмосфера, а „Veritas“ ќе ја мапира нејзината површина, соопшти НАСА.
За овие две мисии ќе бидат издвоени 500 милиони долари и тие ќе бидат извршени во периодот од 2028 до 2030 година.
„Целта на мисиите е да откријат зошто Венера денес изгледа како пеколна планета, иако некогаш споделувала многу карактеристиките со Земјата и можеби била првата населлива планета во Сончевиот систем, со океани и клима слични на Земјата“, соопшти НАСА.
In today's #StateOfNASA address, we announced two new @NASASolarSystem missions to study the planet Venus, which we haven't visited in over 30 years! DAVINCI+ will analyze Venus’ atmosphere, and VERITAS will map Venus’ surface. pic.twitter.com/yC5Etbpgb8
— NASA (@NASA) June 2, 2021
Мисијата „DaVinci+“, која ќе се состои од летало и сонда, ќе го мери составот на густата и топла атмосфера на Венера, со цел да им помогне на научниците да утврдат како еволуирала, а задачата на „Veritas“ е да ја мапира нејзината површина за да се обиде да ја разбере нејзината геолошка историја, вели НАСА.
Најблиската сестринска планета на Земјата, Венера, втората планета во сончевиот систем има слична структурата на Земјата, но е малку помала и многу потопла. Над негостољубивата површина се протега густа и токсична атмосфера примарно составена од јаглерод диоксид и облаци од сулфурна киселина.
Последица на тоа е ефект на стаклена градина што ја пржи површината на Венера на 880 степени, доволно за да се раствори оловото. „Воздухот“ на Венера е толку густ што повеќе делува како течност отколку како гас.
View this post on Instagram
Научниците веруваат дека некогаш имало вода на Венера и дека била погодна за живот пред непознати сили да предизвикаат толку екстремен ефект на стаклена градина што придонело во испарување на нејзините океани.
„Венера е каменот од Розета за климатски промени“, соопшти НАСА.
Последната американска мисија на Венера, леталото Магелан, стигна до планетата во 1990 година. По четири години орбитирање и снимање, Магелан слета на површината за да собере податоци од атмосферата и потоа да се стопи.
Слична судбина ја чека и сондата на „DaVinci+“, која исто ќе слета на површина. На патот, таа треба да собере и испрати примероци за хемискиот состав на атмосферата и притисокот на Венера и да фотографира со висока резолуција. Дури и ако го преживее слетувањето, се очекува да се „зготви“ за дваесетина минути.