Лондонската полиција соопшти дека биле отпуштени десетици полицајци во изминатите шест месеци и се разгледуваат постари случаи на недолично однесување во обид да се врати довербата на јавноста и да се поправи имиџот на полицијата по серијата скандали.

Минатиот месец, независна ревизија покажа дека лондонската полиција е институционално расистичка, хомофобична и неспособна да се контролира. Ревизијата бараше итна реформа на најголемата британска полициска служба позната како Мет.

Меѓу некои од најшокантните случаи беше осудата на еден полицаец за повеќекратно силување, додека друг беше осуден на доживотен затвор за киднапирање и убиство на жена. Новиот шеф на Мет, Марк Роули, кој ја презеде функцијата во септември минатата година, вети дека ќе ги отстрани непогодните поединци од повеќе од 43.000 службеници и персонал на силите.

Оттогаш, Мет суспендираше 144 службеници за нови и стари случаи на недолично однесување, двојно повеќе отколку во претходните шест месеци, покажа извештајот за подобрување на стандардите во полициското работење. Бројот на оставки во истиот период е зголемен за 70 отсто.