Народна банка: Запознајте ја нашата институција
Народната банка објави нова информативно-едукативна брошура, којашто содржи низа информации за работењето на оваа институција и за нејзините основни цели и задачи, како и објаснување по што таа се разликува од другите институции – „Запознајте ја Народната банка на Република Северна Македонија“.
Во брошурата се опфатени значителен дел од активностите на Народната банка, при што преку илустриран приказ, едноставен јазик и мноштво интересни факти се обезбедува поголема информираност на јавноста за различни аспекти од нејзиното работење.
Следствено, брошурата нуди краток и едноставен приказ на работењето на Народната банка, ставајќи акцент на сите постојни можности за отвореност на институцијата и информирање на населението.
Публикацијата е наменета за пошироката јавност и во електронски формат е достапна на следниов линк.
Објавувањето на брошурата „Запознајте ја Народната банка на Република Северна Македонија“ е дел од нивните најнови активности во сферата на финансиската едукација и од активностите за унапредување на транспарентноста во нивното работење, потенцираат од банката.