Српската полиција во рамките на акцијата „Гнев“ ги уапси М.Б. (32) и Н.С. (45) и заплени 432 грама кокаин, како и масло од канабис и оружје.

Дрога и оружјето биле скриени во шумата кај Врдник, додека лажните полициски лични документи кои ги користеле сега уапсените биле пронајдени во нивните станови.

Покрај дрогата, пронајдени се пари во износ од 131.000 динари и 4.160 евра, за кои истражителите се сомневаат дека се од продажба на дрога.

Полицијата пронајде и дигитална вага, четири мобилни телефони и две лични карти на здружението на полицајци ветерани и полицискиот синдикат. При претрес во станот на Н.С., пронајден е пиштол со четири куршуми и уште 52 куршуми од различен калибар, па тој е осомничен и за илегално поседување оружје.

Двајцата уапсени имале „историја“ со полицијата. Едниот бил пријавен за кражба, а другиот за измама.