Четири хеликоптери од типот Ми-35, кои Србија ги купи од Русија, испорачани се на воениот аеродром „Миленко Павловиќ“ во Батајница, пренесуваат српските медиуми.

Со оваа реализација на претходно постигнатиот договор, Војската на Србија во време на зачестени набавки на ново вооружување, првпат доби тоа што на овие простори никогаш го немаше – оклопни хеликоптери за поддршка на земјените сили.

Овие хеликоптери ќе бидат распоредени во 714-тата противоклопна хеликоптерска ескадрила на цивилно-воениот аеродром „Морава“ во близина на градот Кралево. Во склоп со можностите на државата, во план е да се формира ескадрила на овие хеликоптери.

View this post on Instagram

Ruslan na sletanju sa novim helikopterima Mi-35 za @odbranaivojska #Mi35 . . ? @tower_eye

A post shared by Tango Six portal (@tangosix) on Dec 2, 2019 at 4:36am PST

Хеликоптерот Ми-35 важи за еден од најдобрите офанзивни хеликоптери. Во основната везрија, Ми-24 е употребуван во времето на Советскиот сојуз во војната во Авганистан, оружаните судири на постсоветските простори и на подрачјето на поранешна Југославија. Воздушните сили на Руската Федерација го користат и во Сирија.

Според пишувањата на српска „Политика“, овие летала имаат силен оклоп и голема моќ. Во различните варијанти, тие со опремени со топ и широка лепеза на ракетно вооружување.

Освен тоа, тие можат да пренесуваат осум војници. Неговата максимална брзина е завидна за хеликоптерите, се движат до 310 километри на час, а современата верзија од нив, која ги купи српската армија, опремени се и со современа електроника.