Направете си одличен десерт ова попладне – Полжавчиња
Состојки:
200 милилитри масло за јадење
200 милилитри пиво
500 грама брашно
250 грама гриз
1 ванилин шеќер
1 прашок за печиво
3 лажици какао
За шербет:
500 милилитри вода
500 милилитри шеќер
Подготовка:
Во подлабок сад ставете ги маслото за јадење, пивото, брашното, гризот, ванилиниот шеќер и прашокот за печиво и од сите овие состојки измесете тесто. Добиеното тесто поделете го на два еднакви дела. Едниот дел оставете го да има жолта боја, а во вториот дел од тестото додајте го какаото и повторно измесете го.
Кога ќе завршите со оваа постапка, од двете различни теста, со сукало исукајте кори. Добиените кори ставете ги една врз друга.
Од вака подготвените кори, формирајте ролат.
Ролатот со помош на остар нож исечете го на кришки дебели околу еден сантиметар. Добиените колачиња, редете ги во претходно подмачкана тава за печење. На крај, печете ги во претходно загреана рерна на температура од 200 степени околу 20 минути.
Откако сите колачиња се испечени, оставете ги да се изладат. Потоа, подгответе го шербетот и прелијте ги колачињата.