Направете еколошки раствор за рерната да ви биде како нова
Доколу сте од оние домаќинки кои чистењето на рерната од електричниот шпорет им претставува најтешка работа во домаќинството, обидете се да го направите овој раствор за чистење на истата, кој ќе ви помогне што помалку време да потрошите во „гланцање“ на сите тие залепени маснотии и ужасни миризби кои се таложат на ова недостапно место во вашата кујна.
Обрнете внимание и на фактот што дел од средствата што ги купувате за оваа намена најчесто се премногу агресивни и го нагризуваат металот, а со тоа го намалуваат и векот на траење на рерната или предизвикуваат побрзо расипување.
Затоа ви предлагаме да подготвите еколошки раствор со производи кои веќе ги имате во домот, за вашата рерна да блесне како нова, а притоа да не потрошите многу време при нејзино чистење.
За подготовка на еколошки раствор за чистење на рерна, потребно ви е:
100 мл сјај за садови
сок од два исцедени лимона
една шолја за чај алкохолен оцет
500 мл вода
Сите овие состојки, убаво промешајте ги во шише со распрскувач додека добро не се соединат. Потоа, обидете се добро да ја испрскате рерната и така оставете да отстои околу 10 минути.
Со обично сунѓерче, топла вода и минимален труд ќе ги отстраните сите закоравени маснотии и непријатниот мирис од вашата рерна.