Од претходно веќе подолг период се шпекулира дека турскиот Галатасарај би можел да биде новиот клуб на Езџан Алиоски, а денеска се објавуваат информации дека би можел кариерата да ја продолжи во Италија.

Поточно, како што информира „Тутоспорт“ Наполи во потрагата по нови одбранбени опции покажува интерес за 29-годишниот македонски репрезентативец.

Во клубот од Неапол предводен од тренерот Џенаро Гатузо настапува нашата голема надеж Елиф Елмас (21) кој ја игра втората сезона во дресот на „наполитанците“ и со кои има договор до 30 јуни 2025 година.

И натаму нема никакви најави за евентуално продолжување на соработката на Алиоски со премиерлигашот Лидс (со кој има договор до крајот на оваа сезона), а и во Англија дел од експертите сметаат дека Македонецот ја игра последната година во клубот од „Еланд роуд“.

Но, од друга страна и натаму се надева менаџерот Марсело Биелса дека ќе остане Џани и следната сезона.