Денеска во првиот натпревар од полуфиналето во фудбалскиот Куп на Италија, на „Џузепе Меаца“ триумфираше Наполи со 0:1 против екипата на Интер.

Целиот меч во Милано го одигра македонскиот репрезентативец Елиф Елмас кој вечерва ја доби целосно довербата од тренерот на „наполитанците“, Џенаро Гатузо.

Fabian Ruiz take a bow son what a way to give Napoli the lead over Inter pic.twitter.com/XkNrn9H8wa

— Reagan Tinka ? (@EasyMoneySnipa6) February 12, 2020

Стрелец на единствениот гол во победата беше Шпанецот Руиз после асистенцијата на Ди Лоренцо во 57. минута од средбата.

Со овој резултат клубот од „Сан Паоло“ е многу блиску до пласман во финалето, а реваншот ќе се одигра на 5. март.

Во втората полуфинална пресметка силите ќе ги одмерат Милан и Јувентус, а првата пресметка е в петок на теренот на „росонерите“.