Наполи и Анчелоти го сакаат Елмас по секоја цена – Слободен печат
СпортФудбал

Наполи и Анчелоти го сакаат Елмас по секоја цена

Македонскиот репрезентативец е на мета на многу европски гиганти, а сега во трката се вклучи и италијанскиот вицешампион.

Македонскиот бисер, Елиф Елмас со прикажаните игри во репрезентативниот дресот но и со настапите за Фенербахче изминатата сезона, ја залуде фудбалска Европа. Добар дел од најголемите екипи како Интер, Борусија Дортмунд, Атлетико Мадрид, Тотенхем, Лацио, Зенит доставија официјални понуди до Фенербахче за ангажман на Елмас, а сериозен интерес пројавија уште и екипи како Манчестер јунајтед, Манчестер сити, ПСВ Ајндховен.

Последен кој се вклучи во трката по потписот со македонскиот репрезентативец е италијанскиот вицешампион, Наполи. Тренерот на Наполи, Карло Анчелоти токму во Елмас го гледа идеалното решение за средниот ред во идната сезона.
Според познатиот италијански новинар, Џанлука Ди Марцио, Наполи е подготвен да плати помеѓу 18 и 20 милиони евра на Фенербахче и ова досега е највисоката понуда што пристигнала за Елмас.

Последната понуда беше на Атлетико Мадрид и тоа во висина од 14 милиони евра плус Никола Калиниќ но таа беше одбиена од раководството на турскиот тим.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close