Наполи донесе ново засилување, следен е Елмас!? (ВИДЕО) – Слободен печат
СпортФудбал

Наполи донесе ново засилување, следен е Елмас!? (ВИДЕО)

Костас Манолас е новиот фудбалер на Наполи комплетирајќи го трансферот на „Сан Паоло“ од редовите на Рома за сума од 36 милиони евра.

Грчкиот централен бек Манолас (28) од 2014 година ги бранеше боите на римската „волчица“ каде што дојде за 15 милиони евра од Олимпијакос.

Новото летно засилување го потврди претседателот на „наполитанците“, Аурелио Де Лаурентис кој му посака добредојде на Твитер.

За римскиот клуб имаше вкупно 156 натпревари и шест голови, а на клупски план беше дел и од Трасивулос и АЕК.

Овој период се најавува дека и македонскиот репрезентативец Елиф Елмас од Фенербахче наскоро ќе потпише договор со италијанскиот вицешампион.

На социјалните мрежи беше објавено и едно интересно видео каде што случајно фановите на екипата го пресретнаа асистентот на Карло Анчелоти, Давиде кој што делеше автограми, запрашан дали ти се допаѓаЕлмас и дали тој доаѓа во Наполи, еве што одговори:

– Да, ми се допаѓа. Мислам дека доаѓа – вели асистентот на клубот, Давиде Анчелоти.

Претходно и познатиот италијански новинар, Ди Марцио објави дека е постигнат договор меѓу Фенербахче и Наполи.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close