Наполи донесе екстра засилување од Рома
Костас Манолас во следната сезона ќе настапува за вицешампионот на Италија, Наполи кој успеа да се договори со Рома за трансфер.
Во договорот на Манолас со Рома има клаузула од 36 милиони евра, сума која Наполи не сака да ја плати и поради тоа инсистираше за размена на фудбалери. „Римската волчица“ првично го одби предлогот, но откако Наполи го понуди Диавара и 20 милиони евра, се согласи на размената.
Договорено е тоа да бидат два освоени трансфери, прво Рома ќе плати 18 милиони евра за Диавара, а потоа Наполи за сума од 34 милиони евра плус дополнителни два милиони во бонуси, ќе го обезбеди потписот со одличниот дефанзивец на „римската волчица“.
Платата на Манолас ќе изнесува 3.5 милиони евра годишно плус дополнителен еден милион во бонуси.