Наоблачување кон крајот на денов, утре услови за дожд во крајните источни и западни делови од земјава

Дожд во Охрид / Фото: EPA-EFE/GEORGI LICOVSKI

Во крајните западни и крајните источни делови од земјава утре ќе има услови за краткотраен дожд. Потоа ќе следува стабилно време со благ пораст на дневната температура, соопшти Управата за хидрометеоролошки работи.

Времето денеска е сончево со мала до умерена облачност, кон крајот на денот и во текот на ноќта ќе биде значително облачно. Ќе дува слаб до умерен ветер од јужен правец, особено кон крајот на денот вдолж Повардарието, каде повремено ќе засилува.

Максималната температура ќе биде во интервал од 19 до 26 степени.

Во Скопје е сончево со мала до умерена облачност, а кон крајот на денот ќе биде значително облачно и ќе дува слаб до умерен јужен ветер. Температура во главниот град денеска ќе достигне 25 степени.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот