Наместо спектакл со Селтик, ќе ги гледаме Дуделанж или Валета!

Фото: Mati Hiis

Македонскиот шампион после мечот во Скопје доби свирежи од своите навивачи, а гостите од Естонија беа наградени со аплаузи. Тренерот на Номе Калју, Роман Кожуховски на прес конференцијата рече дека ретко има навивачи кои им аплаудираат на противниците и тоа за него претставува респект.

Номе Калју кој едноставно многу среќно, без скоро никаква доминација во двомечот со Шкендија, на крајот си обезбеди второ квалификациско коло во ЛШ против најверојатно шкотскиот гигант Селтик.

Тренерот Ќатип Османи незадоволен што неговиот клуб не успеа во целта, ја презема одговорноста за елиминацијата.

Шкендија сега ги продолжува меѓународните настапи во второто квалификациско коло на Лига Европа, а таму ќе се сретне против елиминираниот од пресметката Дуделанж (Луксембург)-Валета (Малта). После првите 90 минути во Луксембург беше 2:2, а вечерва тетовските „црвено-црни“ и официјално ќе го дознаат ривалот.

Првиот меч во второто квалификациско коло на Лига Европа Шкендија ќе го одигра во Скопје на 25 јули, а реваншот е на 1 август на теренот на противникот.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот