Девет припадници на хрватската војска се тргнати од должност, бидејќи биле пијани – и тоа додека биле на дежурство во касарна во Дивуље.

Како што пишува Нова ТВ, војниците биле испратени како помош за пожарникарите во гасење на пожарите во Далмација.

Инцидентот се случил пред неколку недели, а хрватското Министерство за одбрана го потврдил за Нова ТВ.

„Кај девет припадници на противпожарните наменски организирани сили била утврдена концентрација на алкохол во организмот, по што тие биле тргнати од должност. За настанот биле известени сите кои се наоѓаат на заповедната линија“, било соопштено од Министерството за одбрана.

Заради пијанство тие биле пријаени и во воено-дисциплинскиот суд. Пропустите се сериозни, бидејќи алкохолот не е дозволен.

„Многу е важно пожарникарите, но и сите кои им се приклучуваат во дадениот момент да бидат трезни. Ова е опасна работа и може брзо да се изгуби глава, ако човекот не работи трезен“, рекол Жељко Шоша, заповедникот на пожарникарите во Задар.