Намалувањето на ДДВ за струја би ја чинело државата 28 милиони евра
Регулаторната комисија на енергетика смета дека треба да се намали ДДВ за струја од 18 на 5 проценти. Оттаму велат дека според нивните сознанија, тоа на годишно ниво би значело помал приход во Буџетот од 28 до 29 милиони евра. Но, оттаму потенцираат дека граѓаните досега многу инвестирале во енергетските капацитети, цената на електричната енергија од ЕСМ се зголемувала, а производството опаѓало и дека треба да се размисли за помал данок.
– Цената од ЕСМ (само нејзин дел, а не вкупна цена на струја н.з) во 2006-та година беше 1,3 денари за киловат-час електрична при произведени 6,3 милијарди киловат-часови. Во 2017 година цената од ЕЛЕМ двојно се зголеми на 2,52 денари за киловат-час, а производството се намали на 4,08 милијарди киловат-часови – објасни претседателот на Регулаторната комисија зза енергетика Марко Бислимоски.
Тој рече дека како признат трошок во изминатиов период, народот ги платил инвестициите на ЕСМ во висина од 800 милиони евра.