Намален бројот на туристи во Франција, стравуваат од коронавирусот

Франција секоја година ја посетуваат приближно 2,7 милиони туристи од Кина.

Францускиот министер за финансии Бруно Ле Мер изјави дека бројот на туристи е намален од 30 до 40 проценти од очекуваното поради новиот коронавирус.

– Тоа секако има значително влијание врз француската економија, посочи Ле Мер.

Забраната и одложувањето на патувањата резултираа со околу 200.000 откажани летови ширум светот, а Франција е една од најпопуларните туристички дестинации. Франција минатата година беше посетена од околу 90 милиони туристи, а туризмот учествува со околу осум проценти во францускиот бруто домашен производ.

Франција секоја година ја посетуваат приближно 2,7 милиони туристи од Кина.

Епидемијата на новиот коронавирус почна да се шири кон крајот на 2019 година од кинескиот град Вухан. Досега во Кина регистрирани се околу 2.500 смртни случаи.

Според Светска здравствена организација во Франција досега се регистрирани 12 заразени од новиот коронавирус, а нема ниту еден смртен случај.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот