Со проценка на вредноста од 315,5 милијарди долари, гигантот за електронска трговија Amazon ја зазема првата позиција на листата BrandZ Top 100 највредни глобални брендови која е составена од агенцијата за истражување Kantar.

Агенцијата, скокот на Amazon на листата го препишала на нејзиното диверзифицирано портфолио на услуги и додала дека покажува колку брендовите сега помалку се поврзани со одредени категории и региони.

Растот на Amazon значи дека ги потисна компаниите Apple и Google, кои наизменично поминаа вкупно 12 години на врвот на таа листа. Брендот Apple е проценет на 309,5 милијарди долари, а Google на 309 милијарди долари.

На четвртото место е Microsoft, додека Visa е на петто место, а во првите десет се рангирани Facebook, Alibaba, Tencent, McDonald’s и AT&T.