НАЈВКУСНА ЗИМНИЦА: Македонски пинџур во тегла (РЕЦЕПТ) – Слободен печат
ЕспресоХрана

НАЈВКУСНА ЗИМНИЦА: Македонски пинџур во тегла (РЕЦЕПТ)

Старите традиционални македонски рецепти кои имаат долгогодишна историја на нивна подготовка...

Секој крај на Македонија има свои карактеристични зимници а новото време носи и одредена „модернизација“ на старинските рецепти за чија што подготовка било потребно многу време и труд.

Старите традиционални македонски рецепти кои имаат долгогодишна историја на нивна подготовка, имаат незаборавен вкус за кој навистина вреди да се потрудиме за да можеме заедно со најблиските да уживаме во текот на зимскиот период.

Потребни состојки:

3 кг црвени ајварски пиперки
1 кг модри патлиџани
1, 5 кг црвени домати
300 гр лук
300 мл масло за јадење
300 гр лути пиперки
1 лажичка сол
1 лажичка шеќер
200 мл вински оцет

Подготовка:

Испечете ги пиперките, модрите патлиџани и доматите. Откако ќе завршите со тоа, излупете ги и сомелете ги во машина за подготовка на мелено месо.

Потоа, на поголем шпорет, ставете го тенџерето за подготовка на зимниците и во него ставете ги маслото, оцетот, шеќерот и солта и оставете ги да зовријат.

Во зовриената течност, најпрвин ставете го благиот и лутиот пипер и кратко пропржете ги. Потоа додадете го и модриот домат и црвениот домат и повторно убаво измешајте.
Пржете околу 1 час.

Вака подготвениот пинџур, ставете го во топли, стерилизирани тегли кои веднаш ќе ги затворите и ќе ги оставите превртени да отстојат преку ноќ додека не се изладат.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close