Најтешкото допрва доаѓа: Два големи пожари се сврзаа во мегапожар
Метеоролозите најавуваат уште потопли денови, посилни ветрови и громови без дожд.
Силниот ветер спои два големи шумски пожари во Австралија во еден мегапожар, а властите предупредуваат дека најтешкото допрва доаѓа.
Веќе со денови се стравуваше дека огнот ќе ја помине границата меѓу сојузните држави Нов Јужен Велс и Викторија. Со оглед на новиот топлотен бран и силниот налет на ветер, над 100 пожари во моментот стануваат се поголеми.
Од полноќ е прогласена вонредна состојба поради два пожари кои се поврзале.
Локалниот командант на противпожарните сили, Шен Фитсимонс изјавил дека повторно имаат големи проблеми во гаснењето на огнените јазици.
-Топло е, ветерот суши се и тоа повторно ќе биде голем предизвик, истакна тој.
Температурите денска во делови од Нов Јужен Велс и Викторија беа над 40 степени Целзиусови. А, според портпаролот на противпожарната единица, громови го почнале пожарот.
Метеоролозите најавуваат уште потопли денови, посилни ветрови и громови без дожд. Досега загинаа најмалку 27 луѓе, а илјадници останаа бездомници бидејќи пожарите уништија 10,3 милиони хектари земја, оставајќи зад себе спалена земја на површина колку Јужна Кореја.