Економијата на Франција е на пат оваа година да забележи пад од 11 проценти. Ваквиот тек е последица на корона кризата. Седуваат уште голем број потешкотии пред ситуацијата да се стабилизира следната година, изјави премиерот Бруно Ле Мер.

Франција воведе една од најрестриктивните  блокади кон средината на март, а со ублажување на мерките почна кон средината на мај. Од денеска во земјата со работа почнуваат околу 300 илјади кафулиња и ресторани.

– Бевме тешко погодени од вирусот. Презедовме ефикасни мерки за да се заштитиме, но економијата практично застана на три месеци, истакнува Ле Мер.

Тој нагласи дека Владата ќе продолжи да ги исплаќа средствата од фондот за солидарност до крајот на годината со цел да помогне во покривањето на фиксните трошоци.

Францускиот премиер посочи дека најтешкиот дел во економска и социјална смисла допрва следи.

– Владата прави обиди да спречи банкрот во секторот малопродажба и ги поттикнува луѓето да купуваат во трговските синџири каде се вработени илјадници луѓе, вели Ле Мер.

Тој претходно објави мерки за поддршка на туризмот и автомобилската индустрија, а за следната недела најави мерки за авионската индустрија, додека планот за градежништвото и старт – ап работните позиции се очекува да биде објавен подоцна.