Кога ќе се отвори дискусија за најстарите дрвја во светот, првата асоцијација за повеќето луѓе се џиновските секвои. Меѓутоа, во ридските делови на Калифорнија растат дрвја кои се невообичаени на многу начини, пишува српски „Нејшнал Џеографик“.

Како што биолозите ја истражуваат нашата планета, така наоѓаат постари и постари дрвја и ја поместуваат оваа граница. До неодамна, се сметаше дека најстарото дрво на светот е борот Метузала (Pinus longaeva), кој расте во планините на Калифорнија и се вели дека е стар 4.849 години.

#FactsAboutTrees🌳🌳
Did you know that Until 2013, the oldest individual tree in the world was Methuselah, a 4,845-year-old Great Basin bristlecone pine (Pinus longaeva) in the White Mountains of California?#planttrees #protecttrees #savetrees #ActOnClimate Now! pic.twitter.com/bgJwYOXVqU

— Kyee Mbatha ~ Captain Green 👨‍✈️🌳🌳🇰🇪 (@Captain_GreenKe) February 23, 2022

Подоцна беше откриен уште еден постар примерок на борот Метузала, најстарото дрво на светот, кое живеело 5.066 години. Ова е многу издржлив, загрозен вид, навикнат да опстане во тешки услови. Населува повисоки региони, сиромашна почва, карпести области и сува, ветровита, клима со минимални врнежи. Тоа се токму областите каде што другите видови не можат да преживеат.

Има многу разгранет и плиток корен и расте бавно, а ветрот и другите неволји во текот на стотици и илјадници години ги принудуваат овие дрвја да добијат малку необични форми. Точните локации на двата најстари примероци се чуваат во тајност, токму за тоа, овие дрвја да останат безбедни и да живеат што е можно подолго.