Најстариот актер од „Squid Game“ обвинет за сексуално вознемирување
Корејскиот актер О Јонг-су, познат по улогата на играчот 001 во јужнокорејската хит серија „Squid Game“ (Игра со лигњи), е обвинет за сексуално недолично однесување, а подоцна бил ослободен без притвор.
View this post on Instagram
Како што пренесува „Вариети“, обвинителите во Сујон, град во близина на Сеул, во петокот открија дека го обвиниле О Јонг-су еден ден претходно. Наводно, 78-годишниот актер недолично допирал тело на една жена во средината на 2017 година.
Наводната жртва првпат поднела полициска пријава против актерот во декември минатата година. Меѓутоа, случајот бил затворен во април без подигнувањ обвинение против О Јонг-су, но повторно бил отворен по барање на жртвата.
View this post on Instagram
О Јонг-су ги отфрлил сите обвиненија откако бил испрашуван од обвинителите.
„Само ја држев за рака додека ја водев околу езерото. Се извинив бидејќи таа рече дека нема да прави врева околу тоа, но тоа не значи дека ги признавам обвинувањата“, рече тој.
Неговата улога во „Squid Game“ му донесе награда Златен глобус за „најдобра споредна машка улога во серија“, заедно со номинација за Еми.
Јужнокорејската серија руши рекорди: Squid Game на пат да стане најуспешна серија на Нетфликс
Како серијата „Squid Game“ ја откри страшната вистина за светот во кој живееме?
ВИДЕО | Објавен е првиот тизер за втората сезона на „Squid Game“ и детали од претстојната сезона