Холивудскиот актер Мет Дејмон (49) извесно време е „заглавен“ во Европа. Всушност, кога настанала кризата со пандемијата, тој бил во Далкиј, мирно предградие на Даблин, каде што снимал нов филм, а поради забраната за патување, бил принуден да остане во Ирска, каде што е во самоизолација.

Познатиот актер дал интервју за двајца ирски новинари, во кое признал дека моменталната ситуација го плаши, а открил и дека неговото семејство се соочува со вирусот.

Како што раскажал тој, неговата ќерка Алексија (21) била заразена со коронавирусот, а низ оздравувањето поминала без своето семејство, со оглед на тоа дека таа студира во Њујорк, а Мет во Ирска бил придружуван од сопругата Лусијана и ќерките Изабела, Џија и Стела.

„Таа имаше ковид-19 уште на почетокот, заедно со своите цимери. Сите се добро. Одвај чекам сите да се вратиме во Лос Анџелес и да бидеме заедно – рекол Дејмон.

Тој исто така напоменал да се почитуваат мерките и сите да бидат внимателни.