Глобалната економска слика може да биде сосема поинаква следната година, но што се однесува за оваа 2020 година, најскапите градови за живот во светот заземаа уште еднаш свое место на листата. Првото место не припаѓа на еден град, туку на три, пишува Си-ен-ен.
Хонгконг, Сингапур и Осака се најдоа оваа година на врвот на листата која ја состави истражувачкиот и аналитички центар Економист интелиџенс јунит.

Јапонскиот град Осака го замени на првото место Париз, па на врвот оваа година се најде азиското трио.

Њујорк го зазема четвртото место, додека Лос Анџелес скокна на осмото.

Оваа листа е направена со споредување на цените на 160 добра и услуги во 133 градови ширум светот и се прави веќе 30 години.

Раст и пад

Француската престолнина падна на петтото место, кое го дели со уште еден европски град, швајцарскиот Цирих.

Израелскиот град Тел Авив е единствен град од Блискиот Исток кој се најде во првите 10, скокнувајќи оваа година за три места и заземајќи ја седмата позиција.

Швајцарскиот град Женева падна од петто на 10-то место. Додека Копенхаген, кој беше седми минатата година, повеќе не е во првите 10.

На дното на листата се најде сирискиот град Дамаск, а веднаш над него Ташкент (Узбекистан). Па, еве како досега изгледа листата на 10 најскапи градови во светот за 2020 година:

1. Сингапур
2. Осака
3. Хонгконг
4. Њујорк
5. Париз
6. Цирих
7. Тел Авив
8. Лос Анџелес
9. Токио
10. Женева