Најново истражување потврди: Две навики значително го зголемуваат ризикот од зараза со коронавирус
Шпанските научници направија испитувања како различните однесувања и навики можат да влијаат на веројатноста до зараза со коронавирусот и дошле до интересно откритие: доставата на намирници и роба од супермаркети, како и шетање на домашните миленици, најмногу го зголемуваат ризикот од заразување од ковид-19.
Хигиена после прошетка
Се смета дека кучињата можат некаде да го фатат вирусот и потоа го шират кога нивните сопственици ги допираат. Животните не може да се разболат, но бидејќи можат да им го пренесат вирусот на членовите на фамилијата, авторите на истражувањата предупредуваат сопствениците на кучињата да имаат зголемена хигиена при и после шетање на животните.
Онлајн нарачување
Освен тоа, истражувањето кое заеднички го направиле Универзитетот во Гранада и Андалузиското училиште за јавно здравје покажало дека онлајн нарачувањето на роба од супермаркет со достава до дома го зголемува ризикот од зараза за неверојатни 94 отсто, што значи дека е поопасно отколку самите да одите во продавница.