Најнови светски податоци за коронавирусот до 20 часот

Фото: EPA-EFE/ABBOTT

Бројот на починати во Италија денеска се зголеми за 610 на вкупно 18.279 лица, додека во Велика Британија се регистрирани нови 881 смртни случаи.

Според најновите податоци, во светот досега се регистрирани 1.576.496 лица заразени со новиот коронавирус. Од нив починати се 93.575, а оздравеле 348.188 луѓе.

– Шведска втор ден по ред има рекорден број на починати, а вкупниот број на смртни случаи е 792. Бројот на заразени се зголеми на 9.141, a 719 луѓе се на интензивна нега.

– Бројот на починати од Ковид-19 во Турција во последните 24 часа се зголеми за 96 на 908 жртви. Вкупниот број на заразени изнесува 42.282, а оздравеле 2.142 луѓе.

– Бројот на починати во Италија денеска се зголеми за 610 на вкупно 18.279, соопшти италијанската агенција за цивилна заштита. Бројот на новозаразени се зголеми за 4.204 на вкупно 143.626. Излекувани се 28.470 луѓе.

– Гувернерот на Њујорк Ендрју Куомо изјави дека се хоспитализирани 200 лица, што е најмал број од почетокот на епидемијата. Во исто време, за 24 часа починале 799 луѓе што е нов рекорд во бројот на смртни случаи за еден ден.

– Во Црна Гора од претпладне не е регистриран ниту еден нов случај на зараза.

– Унгарската Влада го продолжи на неодредено ограничувањето на движењето на луѓето што беше воведено пред две недели.

– Вo Велика Британија се регистрирани нови 881 смртни случаи, со што вкупниот број на починати од вирусот во земјата достигна 7.978. Вкупно се заразени 65.077 луѓе.

– Во Холандија во последните 24 часа се регистрирани над 1.200 нови случаи на заразени и 123 починати. До моментов во земјата починале 2.396 лица од вкупно 21.762 заразени.

– Бројот на луѓе кои патуваат со авион се намалил за 96 проценти, јави Си-Ен-Ен.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот