Најнов пресек на ковид-19 во Црна Гора: Нови 502 случаја и девет починати пациенти
Лабораториите на Институтот за јавно здравје во Црна Гора, како и останатите државни и приватни лаборатории кои се занимаваат со дијагностика на инфекции на новиот коронавирус извршија анализа на 1.739 материјали меѓу кои регистрираа 502 нови случаја на ковид-19.
Најголем дел од новите откриени случаи се евидентирани во Подгорица (237), во Никшиќ – 37, во Херцег Нови – 33, во Котор – 30, во Бело Поле – 28, во Будва – 24, во Беране – 20, итн.
Од последниот пресек се пријнавени и девет смртни случаи поврзани со ковид-19 и тоа кај двајца пациенти од Беране и од Херцег Нови и по еден од Бело Поле, од Подгорица, од Бар, од Улцин и од Котор.
Вкупниот број на починати во земјата од јуни изнесува 420, а од почеток на годината – 429. Во изминатото деноноќие се заведени и 163 оздравени пациенти. Вкупниот, пак, број на регистрирани случаи на инфекцијата е 30.079.