Најнеобичната супа што сте ја пробале досега: Чорба од сирење и пиво
Пробајте го рецептот за оваа интересна чорба која во себе содржи интересни состојки, но вкусот е феноменален.
Омилен алкохолен пијалак за повеќето луѓе е пиво, а сега можете да го искористите и за правење чорба.
Неверојатна кремаста чорба од пиво и сирење е интересен оброк за оние кои би сакале да пробаат нов вкус. Наместо во чинија, може да издлабите лепиња, па да ја сипете чорбата во неа и да ја послужите на тој начин. Ваква чорба сигурно досега не сте пробале.
Состојки:
– 1 кромид
– 3 моркови
– 2 стебленца целер
– 6 лажици путер
– 1/2 шолја брашно
– 480 мл пиво
– 2 шолји пилешки бујон
– 1 шолја павлака за готвење
– 230 грама чедар
– 2,5 шолји тврдо сирење по желба
– 1 лажица сенф во прав
– сол, бибер, пипер, лук во прав
Подготовка:
Исечкајте го кромидот, целерот и морковите. Ставете ги во поголемо тенџере и динстајте додека зеленчукот не омекне. Додадете брашно, па мешајте додека не почне да се згуснува, додадете го пивото, бујонот, павлаката за готвење и гответе на тивок оган.
Повремено мешајте и оставете ја смесата така околу 5 минути. Додадете го сирењето, па зачините и мешајте додека сирењето не се стопи. Потоа додадете го и чедарот.
Украсете ја чорбата со пропржена сланина или магдонос, по желба.
Дополнителен совет: Чорбата чувајте ја херметички затворена во фрижидер до три дена, така малку повеќе ќе згусне.
