Најмногу играчи од репрезентациите кои се дел од четвртфиналето на Светското првенство во Катар настапуваат во англиската Премиер лига, додека шпанската „Ла Лига“ е втора најзастапена лига.

Дури 62 играчи од 14 елитни англиски фудбалски клубови сè уште учествуваат на Мундијалот, а и покрај елиминацијата на Шпанија од Мароко, „Ла Лига“ е втора најзастапена лига со 30 играчи.

Иако Италија не успеа да се квалификува за СП, Серија А е на третото место со 23 фудбалери кои играат во девет различни клубови.

Следува француската „Лига 1“ Ле со 18 играчи од осум клубови, германската Бундеслига со 17 играчи и холандското првенство со 11 играчи од три клуба. А има и шест играчи кои доаѓаат од најквалитетната хрватска лига.

Најмногу претставници во четвртфиналето по 11 имаат Манчестер сити и Манчестер јунајтед, потоа ПСЖ има осум играчи, Ајакс и Баерн по седум, а по шест екипите на Арсенал, Ливерпул, Тотенхем и Челси.

Најмногу играчи во четвртфиналето на СП по лиги –

– Премиер лига 62
– Ла Лига 30
– Серија А 23
– Лига 1 18
– Бундеслига 17

Најмногу играчи во четвртфиналето на СП по клубови –

– Манчестер сити 11
– Манчестер јунајтед 11
– ПСЖ 8
– Ајакс 7
– Баерн Минхен 7