Можеби најризичниот потег на претседателката Урсула фон дер Лејен во составувањето нова Европска комисија да го назначи најмладиот комесар во историјата на ЕУ за одговорен на ресорот за животната средина и океаните. Станува збор функција која е одговорна за наоѓање одговори на горчливите проблеми на идните гласачи.

Министерот за економија и иновации во Литванија, 28-годишниот Вирџинијус Синкевичиус, во вторникот беше единствениот претставник на Зелените и официјално беше номиниран за комесар, пишува „Еуроктив“.

И покрај менувањето на официјалното име на портфолиото од страна на Фон дер Лејен и заменувањето на зборот „риболов“ со „океани“, Синкевичиус во ноември ќе наследи поголем дел од работата што ја управува досегашниот комесар од Малта, Кармен Вела. Таа му честиташе на својот официјален профил на Твитер за неговиот избор, посакувајќи му „одличен зелено-сино мандат“. Ако европратениците му ја дадат доверба во наредните недели, Синкевичиус ќе ги користи истите платформи како и главните директори на Комисијата.

– Тој е 28-годишник кој докажува дека Европа е подготвена да и довери клучни задачи на помладата генерација – рече Фон дер Лејен за време на неговото претставување пред Комисијата.

До неодамна, најмладиот комесар, бугарскиот претставник Марија Габриел во времето кога ја презеде функцијата беше десет години постара од Синкевичиус.

Во 2016 година, Вирџинијус Синкевичиус стана пратеник во парламентот во Литванија. Тој е член на литванската Селанска партија, која припаѓа на Зелените, и покрај тоа што досега не беше нивна официјална членка.

Фон дер Лејен, сепак, истакна дека вистински шеф на политиката за животната средина на Европската унија во наредните години сепак ќе биде нејзиниот извршен потпретседател, Франс Тимерманс, на кого му ја довери и Европската зелена спогодба. Таа објасни дека политиката за животна средина ќе биде тесно поврзана со портфолија, како што се економијата и риболовот, затоа што тоа ќе биде составен дел на Европскиот зелен договор.

Повеќе од практикант на Тимерманс

Другите приоритети во неговиот мандат, како што е амбицијата Комисијата да ја постигне целта на нулта загадување, ќе бидат под директен надзор на Франсис Тимерманс. Сепак, најмладиот членка на Европската комисија нема само да биде практикант, туку ќе има и стратегија за биолошката разновидност, пластиката и риболовот.

Поконкретно, Синкевичиус може да има задача да изготви нова стратегија за биолошка разновидност за периодот до 2030 година, што може да го промени правецот на животната средина, особено во контекст на земјоделството.

Долгоочекуваниот Акционен план за кружни економии е високо на приоритетниот список и затоа се очекува да биде составен дел од пошироката индустриска стратегија на Европа. Во овој поглед, литванскиот комесар би можел да работи со портфолиото на француската колешка Силвија Гулард во остварувањето на целите за постигнување климатска неутралност до 2050 година.

Покрај тоа што бара да се подобри постојната правна рамка со која се регулира употребата на пластика за еднократна употреба, Фон дер Лејен експлицитно го замоли Синкевичиус да го реши проблемот со микропластиката, што според последните истражувања е насекаде околу нас.

Судејќи според писмото во кое претседателката на Комисијата ги дефинираше обврските на портфолиото на Синкевичиус, се очекува тој да има највисок ангажман во секторот риболов и покрај тоа што неговиот мандат во голема мерка ќе се потпира на оној претходниот.

Литванецот може да има задача да ја надгледува последната фаза од реформата на Заедничката риболовна политика, која треба да биде завршена до 2022 година. Документот го дефинира статусот на нелегален, нерегулиран и непријавен риболов, па дури може да го забрани увозот на рибни производи, како составен дел на трговскиот договор ЕУ-Виетнам.

Поточно, во 2017 година Европската унија воведе систем на „жолт картон“ кој ги казнува земјите со практикувањето на незаконски активности во риболовот. Механизмот за прв пат се користеше против Виетнам како „пред-црвен“ сигнал за забрана за увоз на морска храна од таа азиска земја.