22 C
Скопје

Најмалку 23 лица се убиени во нападите врз двете воени бази во Сомалија

Најмалку 23 лица се убиени утринава во нападите врз двете воени бази во Сомалија, јави ДПА.

Двајца бомбаши самоубијци нападнаа две армиски позиции во округот Авдегел и селото Бариер, во нестабилната покраина Долна Шабел.

-Напаѓачите на Ал-Шабаб утрово извршија комплексен напад врз две воени бази во покраината Долна Шабел, изјави денеска владиниот портпарол Исмаел Мухтар, пренесе ДПА

Веднаш по бомбашките напади, тешко вооружените бунтовници се обиделе да упаднат во армиските бази. Во размената на оган сомалиските вооружени сили соопштија дека убиле 19 милитанти.

-Ние ги одбивме нападите на терористите кои сакаа да предизвикаат хаос во нашата армија. Загубивме четворица војници, а голем број други се ранети, за ДПА изјави армискиот командант Абдулахи Раге.

Тој додаде дека војниците се уште ги гонат напаѓачите и дополнителни информации за бројот на жртви ќе бидат дадени подоцна.

Локалните жители изјавија дека во престрелката биле ранети и голем број цивили, од заскитани куршуми.

Поврзани вести

Бектеши – Џентолини: Имплементацијата на Економско-инвестицискиот план за Западен Балкан е клучот за пост-ковид заздравување на економијата

Слободен печат

Скопје очекува од ЕУ потврда на европските вредности и да го испорача ветеното

Слободен печат

Белгиски земјоделец „по грешка“ ја поместил границата со Франција

Слободен Печат

Бесими – Јановски: Потпишан повеќегодишен Договор за грант од УСАИД, 8,2 милиона долари во првата година

Слободен печат

ДКСК: Најмногу пријави за непотизам, кронизам, клиентелизам и партиска поврзаност

Слободен печат

Заев за средбата Пендаровски – Мицкоски: Поборник сум за дијалог, од средбата нема зијан, само добивка

Слободен печат

Остави Коментар