Најмалку 19 мртви и над 100 повредени во гранатирање на пазар во Судан
Деветнаесет лица загинаа, а уште 106 се повредени во гранатирање на пазар во сиромашна област јужно од Картум, соопшти Суданскиот синдикат на лекари, пренесува „Гардијан“.
Шест тенковски гранати биле истрелани од Ал-Шаџара, една од ретките области што армијата ги контролира во Картум, а цел бил квартот Мајо, област за која не се знае дека е во близина на ниту една воена цел, велат жителите.
Мајо е сиромашна област населена претежно со луѓе кои не можат да си дозволат да го напуштат главниот град од почетокот на војната меѓу суданската армија и нивниот паравоен ривал Силите за брза поддршка (РСФ) на 15 април.
Во соопштението на групата лекари се вели: „Случаите се зголемуваат, медицинскиот персонал е под притисок да се справи со толку многу случаи со ограничен персонал, ги повикуваме сите лекари и медицински кадри кои се во близина да дојдат во болницата за да можат да помогнат колку што можат“.