Најмалку 11 луѓе загинаа, а 30 се повредени во нови напади на милитантите врз владините сили во сирискиот град Алепо.

-Вооружените групи го бомбардираа Алепо 48 пати во последните 24 часа, соопшти денеска шефот на Центарот за помирување при руското Министерство за одбрана, генерал-мајор Јуриј боренков.

Во борбите загинаа три сириски војници и осум цивили, меѓу кои и жени и деца. Повредени се осум војници и 22 цивили.

Според официјалните податоци, нападот го извршиле околу 70 вооружени лица со поддршка од четири тешко вооружени возила. Сепак, нападите биле одбиени со помош на тенкови, а милитантите се повлекле на почетните позиции.

Според податоците на руското Министерство за одбрана, во бомбардирањата на Алепо од 16 до 22 јануари загинаа 28 цивили, а 56 се ранети.