Најмалку 107 лица заразени со коронавирус на миса во Франкфурт
Најмалку 107 лица се заразиле со коронавирус на миса во Баптистичката заедница во Франкфурт, објави денеска локалниот министер за здравство.
Инфекцијата веројатно се случила на миса пред две недели. Заедницата соопшти дека се почитуваат сите епидемиолошки мерки, вклучително и физичко растојание, дезинфекција и заштитни маски.
-Овој пример покажува колку е важно за сите нас, особено сега кога на сила стапија олеснителните мерки, да бидеме претпазливи и да не постапуваме невнимателно“, рече министерот за здравство на Хесен, Каи Клосе.
-Според нашите информации, само едно лице е во болница, рече Клосе и додаде дека „ситуацијата е под контрола“.
Во сојузната држава Хесен, од 1 мај е дозволено одржување на миси, но со строго придржување до мерките.
Фото: EPA