Најлошиот британски педофил пронајден мртов во затвор
Ричард Хакл (33), еден од најлошите британски педофили, бил убиен во својата затворска ќелија на север во Англија, пренесуваат медиумите на Островот.
Хакл, кој издржувал 22 доживотни затворски казни во затвор во Источен Јоркшир, бил најден мртов во својата ќелија во текот на викендот.
Хакл бил пронајдел мртов во неговата ќелија од страна на стражарите во затворот. Како што пишуваат медиумите, тој повеќепати бил избоден.
Хакл бил осуден во 2016 година, откако бил уапсен по враќањето во Велика Британија од Малезија, каде живеел и каде злоставувал деца.
#BREAKING: British paedophile Richard Huckle stabbed to death in UK prison https://t.co/yS5qTRkgVu pic.twitter.com/I8JiCOtmbS
— Astro Radio News (@AstroRadioNews) October 14, 2019
Тој признал вина за 71 точка од обвинението. Во ибвинението стоело дека злоставувал 22 деца, но се смета дека имало и повеќе жртви.
Неговите жртви најчесто биле деца од сиромашни заедница во Малезија и Камбоџа.
Хакл систематски злоставувал и момчиња и девојки во периодот помеѓу 2006 и 2014 година, кога конечно бил уапсен додека се враќал во Британија за божикните празници.
