Најлош старт на Арсенал од 1981 година, Мурињо ќе му „пресуди“ на Артета!?
Менаџерот на Арсенал, Микел Артета не е загрижен за позицијата во клубот по поразот од Вулверхемптон на домашен терен, без оглед на тоа што „топџиите“ не паметат полош почеток од 1981 година.
По воведните 10 кола, екипата од „Емирати“ е дури на 14 место со само 13 бода, осум помалку од лидерот, градскиот ривал Тотенхем. А токму во наредното коло составот на Жозе Мурињо на 6 декември ќе го пречекаат Арсенал.
Претходно загубија од Астон Вила (3:0), Лестер (1:0) и Манчестер сити (1:0), ремизираше со Лидс на Езџан Алиоски (0:0), а го победи само Манчестер јунајтед (1:0).
ВИДЕО: Што се случува со Арсенал, „волците“ го освоија Лондон!
– Во моментот кога се одлучив за тренерско работно место, знаев дека ќе дојде моментот кога ќе ме отпуштат или сам ќе го напуштам клубот, но не знам кога тоа ќе се случи. Мојата единствена грижа е да го извлечам максимумот од овој тим и да го дадам најдоброто што можам – изјави Артета.
Интересно е што на 29 ноември минатата година беше сменет претходникот на Артета, Унаи Емери, и очигледно е дека овој датум не беше среќен ниту за новиот менаџер.
13 – Arsenal’s tally of 13 points is their lowest after their opening 10 matches of a league campaign since the 1981-82 season (12). Collapse. pic.twitter.com/QaZ6olTYXj
— OptaJoe (@OptaJoe) November 29, 2020
Воедно истакна дека во неделата Вулверхемптон ги постигна двата гола од два удари.
– Во второто полувреме, моите играчи покажаа издржливост, заедништво и верба дека може да се вратат резултатски во мечот. Создадовме многу шанси, но сите играчи се мачат со ефикасноста – додаде Артета.